ინგლისის საფეხბურთო ასოციაციამ ახალი ხელმძღვანელი დანიშნა.
ამ თანამდებობას 2022 წლის იანვრიდან დები ჰიუიტი დაიკავებს. ის Visa Europe-ის დირექტორთა საბჭოს წევრი და პაბებისა და რესტორნების ქსელის Restaurant Group ხელმძღვანელია.
2011 წელს, ბიზნესში მიღწეული წარმატებებისთვის ჰიუიტი ბრიტანეთის იმპერიის კავალერის ორდენით დააჯილდოვეს.
ის პირველი ქალია 157 წლის მანძილზე, რომელიც ინგლისის ფეხბურთის ასოციაციას უხელმძღვანელებს.
