ორშაბათი, 27 ივნისი, 2022

სალომე ბალახაშვილი – ვფიქრობ რომ წელს თურქები გაგვაოცებენ. მგონია, რომ ეს ნაკრები ბევრ კარგ სიურპრიზს შემოგვთავაზებს

ბევრი თვლის, რომ ფეხბურთი მამაკაცების სპორტია, თუმცა ძალიან ხშირად სუსტი სქესის წარმომადგენლები ჩვენზე არანაკლებად გულშემატკივრობენ და ესმით მსოფლიოში ყველაზე პოპულარული სპორტი, ამის დასტური ჩვენი დღევანდელი რესპოდენტი, ბოლნისის „სიონის“ მედია-ოფიცერი, სპორტული ჟურნალისტი სალომე ბალახაშვილია:

ვინ არის სამი მთავარი ფავორიტი ევრო 2020-ზე? და რატომ?

ყველა ჯგუფში მყავს ჩემი ფავორიტი, თუმცა აქედან გამოვარჩევდი – საფრანგეთს, პორტუგალიას და ესპანეთს. რა თქმა უნდა, თუკი მანამდე ერთმანეთს არ გადაეყარნენ. ვფიქრობ, ბელგიაც ერთ-ერთი გამორჩეული ფავორიტი იქნება. ძალიან მესიმპატიურება ეს გუნდი და მათგან სიურპრიზებსაც ველოდები. მიუხედავად იმისა, რომ ინგლისი ბოლო წლებია გამოცოცხლდა. ვულკანსაც კი შევადარებდი, მაინც მგონია, რომ პლეი ოფს ვერ გასცდება.

მართალია მანჩინიმ იტალიის ნაკრების თამაში უფრო დინამიური გახადა და ჩემს საფეხბურთო გემოვნებასთან ჰარმონიაში მოიყვანა. თუმცა, ამ ნაკრებს, მაინც არ ვქომაგობ და იმედია შორს ვერ წავა.

ჩემს მიერ ჩამოთვლილ სამი ფავორიტი გუნდიდან, ვფიქრობ საფრანგეთს მეტი შანსი აქვს. მით უმეტეს ბენზემა ნაკრებში დაბრუნდა, რომელიც ძალიან კარგ ფორმაშია. ევროპის ჩემპიონატზე სხვა ნაკრებს ვგულშემატკივრობ, თუმცა ძალიან მინდა ბენზემამ თავისი თავი საუკეთესოდ წარმოაჩინოს და ბომბარდირი გახდეს.

ვინ იქნება შენი აზრით მთავარი იმედგაცრუება (ნაკრები და მოთამაშე) ევროზე და რატომ გგონია ასე?

იმედგაცრუებას ვერ დავარქმევ. უფრო მოლოდინი მაქვს, რომ ნიდერლანდები შორს ვერ წავა. ამ ნაკრების თამაშს, რომ ვუყურებ სულ მრჩება ისეთი გრძნობა, რომ ეს არის მზე, რომელიც არ ათბობს. რაც შეეხება ფეხბურთელს, მგონია რომ გულშემატკივარს იმედებს, მსოფლიო ვარსკვლავი და პორტუგალიის ნაკრების ერთ-ერთი მთავარი იმედი, კრიშტიანუ რონალდო გაუცრუებს. მიუხედავად ამისა, პორტუგალიის ნაკრები გამოკვეთილ ფავორიტად მიმაჩნია. ძალიან მომწონს მათი გუნდური შემოქმედება მოედანზე და კომბინირებული ფეხბურთი.

ვინ იქნება ევროს მთავარი აღმოჩენა ნაკრები და აღმოჩენა მოთამაშე? და რატომ გგონია ასე?

ის თამაშები, რაც ბოლო პერიოდში ვნახე, ვფიქრობ რომ წელს თურქები გაგვაოცებენ. მგონია, რომ ეს ნაკრები ბევრ კარგ სიურპრიზს შემოგვთავაზებს. რაც შეეხება ფეხბურთელს, ახლა თავს შევიკავებ. ჯგუფური თამაშების დროს, პროცესში გამოჩნდება…

ვის გულშემატკივრობ შენ? და სურვილის გარდა მაქსიმალურად ობიექტურად როგორ გგონია რამდენად აქვს შანსი შენს ფავორიტს?

ჩემი ფეხბურთისადმი სიყვარული დაიწყო ფერნანდო იეროთი და გუტიერესით (გუტი), რაც ეს ფეხბურთელები ეკრანზე ვნახე, მას შემდეგ “ფურია როხას” ქომაგი ვარ. რა შედეგიც არ უნდა დადონ, რა ფორმაციის ნაკრებიც არ უნდა იყოს,  ყოველთვის სიამოვნებას ვიღებ მათი ფეხბურთის თამაშით.

ამიტომ მინდა რომ ამ ჩემპიონატში შორს წავიდნენ და დიდხანს ვისიამოვნო მათი ფეხბურთით. რა თქმა უნდა, ტიტული ძალიან კარგია, მაგრამ მირჩევნია ეს ტიტული ჩემი ქვეყნის ნაკრებს ჰქონდეს.

რა იქნება „ახალი“ და საინტერესო მოახლოებულ ევროზე?

ახალი და საინტერესო ისაა, რომ ევროპის ჩემპიონატი მთელს კონტინენტზე ტარდება, რამდენად საინტერესო და კარგი გამოვა, ამას 11 ივნისიდან ვნახავთ.

მადლობა

 

პოპულარული

ეროვნული ლიგა – ჭიაბრიშვილის ორიდან ორი

საქართველოს ეროვნული ლიგის მე-19 ტურის, მეორე სათამაშო დღეს სამი შეხვედრა გაიმართა. დღის და მთლიანად ტურის მთავარი დაპირისპირება - ე.წ ქართული დერბი  დინამო არენაზე დინამოსა...

ტრანსფერები – ლუის სუარესი ყოფილ გუნდში?

The Sun-ის ინფორმაციით 35 წლის ლუის სუარეზი შესაძლოა აიაქსში დაბრუნდეს. როგორც ვიცით ურუგვაელმა თავდამსხმელმა ატლეტიკო თავისუფალი აგენტის სტატუსით უკვე დატოვა და ამიტომ ნებისმიერი მსურველი...

სერია ა – სად შედგება კვარას დებიუტი?

დღეს იტალიის სერია ა-ს სეზონის კალენდარი გამოქვეყნდა. აქედან გამომდინარე ცნობილია თუ სად შეიძლება შედგეს ქართველი ფეხბურთელის, ხვიჩა კვარაცხელიას დებიუტი და რომელ ტურებში უნდა ველოდოთ...

ტრანსფერები – გარეთ ბეილი MLS-ში მიდის

რეალში გატარებული 9 წლიანი კარიერის შემდეგ, უელსელი გარეთ ბეილი MLS-ში ითამაშებს და მისი ახალი გუნდი ლოს ანჯელესი იქნება, თუმცა აქვე უნდა დავაზუსტოთ, რომ არა...

ჩოგბურთი – ქართველთა მეტოქეები უიმბლდონზე ცნობილია

უიმბლდონის დაწყებამდე სულ უფრო და უფრო ცოტა დრო რჩება - საჩოგბურთო სეზონის რიგით მესამე დიდი სლემის ტურნირი სტარტს 27 ივნისს აიღებს. წლევანდელ უიმბლდონზე ქართველთა რაოდენობა...

უახლესი

მხოლოდ რეგისტრირებული მომხმარებლებისათვის

ბელარუსში მხოლოდ ორ გუნდს არ აქვს გამარჯვება - დინამო ბრესტს და ძერჟინსკის არსენალს, რომელიც ბოლოს წინა ადგილს იკავებს. დღეს, ადგილობრივი "მებრძოლები" ცხრილის შუაში მდებარე...

ალესანდრო კოსტაკურტა: მილანი მალდინის გარეშე წარმოუდგენელია

მილანის ყოფილმა ფეხბურთელმა, ალესანდრო კოსტაკურტამ ჟურნალისტებთან იტალიურ ფეხბურთში მიმდინარე მოვლენებზე ისაუბრა. მან ხაზი გაუსვა პაოლო მალდინის როლს და მნიშვნელობას მილანისთვის და ასევე ინტერის და...

ლოკომოტივი-თელავი: Logicbet-ის პროგნოზი

ლოკომოტივს ახალი მთავარი მწვრთნელი ყავს, ნიდერლანდელი ჯონ ვან ლოენის სახით და რათქმაუნდა დიდი სურვილიც აქვს, რომ პირველივე თამაშში წარმატებას მიაღწიოს. თბილისელთა მთავარი მიზანი წელს, დიდი...

მხოლოდ რეგისტრირებული მომხმარებლებისათვის

Logicbet-ის დღის ბილეთი #1 წარმატებები! ლოკომოტივი-თელავი პურველი გუნდის 0.5-ზე მეტი გოლი ბოდო გლიმტი-ალესუნდი მეორე გუნდის 4.5-ზე ნაკლები კუთხური დეგერფორსი-აიკი  2 ჰამარბი-ჰაკენი 1X და 1.5-ზე მეტი გოლი

ტრანსფერები – გარეთ ბეილი MLS-ში მიდის

რეალში გატარებული 9 წლიანი კარიერის შემდეგ, უელსელი გარეთ ბეილი MLS-ში ითამაშებს და მისი ახალი გუნდი ლოს ანჯელესი იქნება, თუმცა აქვე უნდა დავაზუსტოთ, რომ არა...

მსგავსი სიახლეები